Тавь гарсан насандаа дотуур хувцасны зураг авалтад оролцоно гэдэг хүссэн загвар өмсөгч бүрийн хийгээд байдаг зүйл биш билээ. Загвар өмсөгч Э.Одгэрэл Италийн алдарт брэнд “Инканто”-гийн нүүр царай болж, Монголын хамгийн том нисэх онгоцонд өвөрмөц зураг авахуулсан нь нэлээд шуугиан тарив. Мөнхийн залуу Э.Одгэрэл гэж тодотгодог ч дотуур хувцасны зураг авалтыг тавь байтугай гуч гарсан загвар өмсөгчид ч зориглож хийлгэдэггүй билээ. Тэгвэл үзэсгэлэнт Э.Одгэрэлийн энэ шийдвэр түүнийг харих болоогүй байгааг үнэхээр батлан харуулж байна. “Инканто” брэндийн хувьд гучаас дээш насны чанартай бас халуухан загварлаг дотуур хувцасыг хүсдэг бүсгүйчүүдэд зориулсан брэнд юм. Тэр ч утгаараа Э.Одгэрэл “Инканто” брэндтэй төгс зохицжээ. Маш өвөрмөц загвар, халуухан байдлыг илтгэх торон оруулгууд дотуур хувцасыг тав тухгүй мэт болгодог. Харин топ моделийн сонголт болох “Инканто” торон атлаа маш бат бөх, биед харшил төрүүлдэггүй, агаар нэвтрүүлдэг тансаг материалаараа гайхагддаг байна. Ер нь сүүлийн үед дэлхийн дотуур хувцасны брэндүүд эмэгтэй хүн бүхий л насандаа гоо сайхан байдаг гэдгийг батлах үүднээс тавь гарсан загвар өмсөгчдийг сонгон хамтран ажиллах болсон билээ. Тухайлбал, Шинэ Зеландын “Lonely Lingerie” брэнд 56 настай Мэрси Бреверийг сонгож, эмэгтэй хүн бүхий л насандаа гоо сайхан байдгийг харуулахыг оролдсон. 2014 онд АНУ-ын “American Apparel” загвар өмсөгч Жаки Шавтнесигээр мэдрэмжинд нас хамаарахгүй гэж харуулахыг хүссэн удаатай. Мөн усны хувцасны “Land of Woman” брэнд 2016 онд 60 настай Я.Россигоор загвараа өмсүүлсэн нь томоохон шуугиан тарьж байсан. Харин 56 настай Никола Грифин “Слинк” сэтгүүлд ийнхүү дотуур хувцастай зургаа авахуулж байжээ. Энэ тавьтнууд дотроос манай топ шиг халуухан, залуухан харагдах нь бас ховор байгаа биз дээ. Загвар өмсөгч Э.Одгэрэлийн хувьд брэндийн мөн чанараа илэрхийлж, бас тавьтнууд ч гоо сайхан хэвээр гэдгийг Монголдоо төдийгүй дэлхийд баталж чадах зургийг “Инканто”-той хамтарсан энэхүү зургуудаараа баталж байх шиг.
