УИХ дахь АН-ын бүлгийн хуралдаан өчигдөр хуралдаж, Тавантолгойн хөрөнгө оруулалтын гэрээний асуудлыг УИХ-аар хэлэлцэхээр болсон. Энэ дагуу УИХ-аас ажлын хэсэг байгуулж, богино хугацаанд уг асуудлыг хэлэлцээд, Засгийн газарт гэрээнд гарын үсэг зурах эрх олгохоор болсон юм. Тэгвэл уг асуудлыг УИХ-аар хэлэлцэхийг эсэргүүцэж байсан сайд М.Энхсайхан үүнтэй холбоотойгоор Тавантолгойн хөрөнгө оруулагчид нутаг буцсан талаар өөрийн фэйсбүүк хуудаснаа мэдээлсэн байна. Тэрээр өөрийн твиттер хуудаснаа “Өнөөдрөөс Консорциумд орсон Хятадын Шеньхуа, Японы Сумитомогийн удирдлагууд нутаг буцаж байна. Монголчууд “дотоод” асуудалтайгаа үлдэв” хэмээжээ.