Тавантолгойн Зүүн Цанхид гэрээт олборлогчоор ажилладаг “Макмахон” компани үйл ажиллагаагаа зогсоосон байна. “Эрдэнэс Тавантолгой” компани “Макмахон” компанид төлбөрөө төлөөгүйтэй холбоотой гэнэ. Өр төлбөрийн хэмжээ 22 сая ам.долларт хүрсэн аж. Хоёр компанийн хооронд шийдвэрлэх ёстой олон асуудал ч бий гэнэ. Одоогоор талууд үүсээд буй өр төлбөр болон бусад асуудлыг шийдвэрлэхээр яриа хэлэлцээр өрнүүлж эхэлжээ. “Макмахон” 2012 онд Зүүн Цанхийн уурхайд ажиллахаар 500 сая ам.долларын гэрээ байгуулсан байжээ. Гэрээний хугацаа 2017 онд дуусах юм байна.