Сонгуулийн ерөнхий хорооноос өгсөн мэдээллээр өнөөдөр хоёр аймаг, таван суманд нөхөн болон дахин сонгууль болж байна. Санал хураалт өглөөний 07.00 цагаас эхлээд байгаа юм.
Сонгуулийн тухай хуульд нөхөн сонгуулийн санал хураалтыг жил бүрийн зургадугаар сарын сүүлийн ням гариг, аравдугаар сарын эхний ням гарагт улс даяар нэгдсэн журмаар явуулахаар заасан. Энэ дагуу өнөөдөр буюу аравдугаар сарын эхний долоо хоногийн ням гаригт нөхөн болон дахин сонгууль болж, МАН болон АН-аас 15 нэр дэвшигч өрсөлдөж буй аж.
Эдгээр суманд нийт 21007 сонгогч саналаа өгөхөөр сонгогчдын нэрсийн жагсаалтад бүртгэгджээ. Санал авах ажиллагааг сонгуулийн автоматжуулсан систем ашиглан явуулж байна.