Өнгөрөгч сарын 15-ны өдрийг хүртэл татварын хөнгөлөлт эдлэх хүсэлтэй иргэдийн материалыг ГТЕГ-т хүлээн авсан. Улмаар хүсэлт гаргасан иргэдэд татварын буцаан олголтыг өгөх тухай захирамж гарсан байна. Уг захирамжинд, хүлээн авсан бичиг баримтын бүрдлийг шалган, хувь хүний орлогын албан татварын буцаан олголт авах иргэдийн жагсаалтыг баталгаажуулан ирүүлэхийг нийслэлийн Татварын газарт даалгасан байна. Түүнчлэн нийслэлийн 2016 оны төсөвт тусгагдсан, хувь хүний орлогын албан татварын буцаан олголтод олгохоор батлагдсан 26,500,000,000 төгрөгийг Татварын газраас баталгаажуулан ирүүлсэн жагсаалтын дагуу татвар төлөгчдийн харилцах данс байршиж буй арилжааны банкуудаар дамжуулан олгох ажээ.