Оны өмнөхөн нийслэлийн “Өргөө” амаржих газарт очсон 27 настай бүсгүй хүүхдийнхээ хамт эндсэн харамсалтай хэрэг гарсан. Бүсгүй жирэмслэлийн үедээ эмчийн хяналтанд байж, биеийн байдал хэвийн байсан, эмч нарын буруутай үйлдлээс болж охиноо алдсан гэж бүсгүйн ар гэрийнхэн ихээхэн гомдолтой байгаа юм. Хэдийгээр шүүх эмнэлгийн дүгнэлт гарсан ч албан ёсоор танилцуулаагүй байна.
Энэ хугацаанд “Өргөө” амиржих газраас амиа алдсан бүсгүйн ар гэрийнхэнтэй холбоо тогтоогоогүйн дээр Шүүх эмнэлэгийн дүгнэлтийг нууцалж байгаа гэсэн мэдээлэл тараад байсан. Харин тус эмнэлгийн эмчилгээ эрхэлсэн орлогч дарга Ц.Мөнхцэцэг талийгаачийн гэр бүлийнхэнтэй уулзаж албан ёсоор уучлалт гуйсан гэдгээ хэллээ.