Хан-Уул дүүргийн VIII хороо, Богдхан уулын “Соёмботой” хэсэг орчин талбайг хамарсан хөрсний өвс шатаж гал гарчээ. Галыг нийслэлийн Онцгой байдлын газрын харъяа гал унтраах 14 дүгээр анги цаг алдалгүй бүрэн унтраасан байна. Одоогоор галын шалтгааныг тогтоохоор ажиллаж байгаа бөгөөд ойр орчмынх нь барилга, бусдын эд хөрөнгө галд өртөөгүй гэж мэдээллээ. Хаврын хуурайшил ихтэй үед гал түймрийн аюул гамшгийн хэмжээнд хүрчихээд байгаа тул иргэдийг ил гаргах, хэрэв гал түлэх шаардлага гарсан бол бүрэн унтраахыг Онцгой байдлын албаныхан анхааруулж байна.
Ш.ГОМБОСҮРЭН