Улсын Их хурлын сонгуулийн 18, 28 дугаар тойргийн нөхөн сонгуулийн санал авах ажиллагаа өнөөдөр 07:00-22.00 цагийн хооронд үргэлжилж дууслаа.
Энэ удаагийн нөхөн сонгуульд Хэнтий аймгийн 18 сум, нийслэлийн Сонгинохайрхан дүүргийн 26 хороо (7, 8, 9, 10, 11, 12, 13, 14, 15, 16, 17, 18, 19, 21, 23, 25, 27, 28, 29, 30, 31, 38, 39, 40, 42, 43 дугаар хороо)-ны сонгогчид оролцож, саналаа өгөв.
УИХ-ын 28,18 дугаар тойргийн нийт 148 хэсгийн хороодоос 16 нь ирц гүйцсэн буюу 50 хувьд хүрчээ. Үүнээс УИХ-ын 28 дугаар тойрог буюу нийслэлийн Сонгинохайрхан дүүргийн нэг хороо байна.
Тухайлбал Сонгинохайрхан дүүргийн 28 дугаар хороо, гуравдугаар хэсгийн санал авах байранд нийт 1829 сонгогч ирж санал өгөх байв. Үүнээс 50.96 хувь нь буюу 932 сонгогч саналаа өгсөнгүй. Энэ хорооны нийт сонгогчдын ирц 49.04 хувь буюу 897 сонгогч саналаа өгснөөр санал авах байрыг 22:00 цагт хаав.
Ирц хүрээгүй хэсгийн хороодод нэмэлт санал хураалт явуулах эсэх шийдвэрийг Сонгуулийн ерөнхий хорооны хуралдаанаар шийдвэрлэнэ