Согтуугаар тээврийн хэрэгсэл жолоодвол эхний ээлжинд 500 мянган төгрөгөөр торгож, хоёр жил жолоо барих эрхийг нь хасах заалтыг Захиргааны хариуцлагын тухай хуульд шинээр оруулахаар ЗЦГ төлөвлөжээ. Мөн давтан буюу жолооо барих эрхгүй этгээд тээврийн хэрэгсэл жолоодсон бол нэг сая төгрөгөөр торгож, хоёр жилээр эрхийг нь хасах саналыг оруулсан байна. Хэрэв дахин хууль зөрчсөн тохиолдолд 80 цагийн албадан хөдөлмөр эрхлүүлэх заалтыг нэмж оруулах саналыг тусгажээ. Одоогоор энэ асуудал зөвхөн санал төдий яригдаж буй бөгөөд УИХ дахь эмэгтэй гишүүд дэмжиж ажиллахаа илэрхийлсэн гэнэ.