Засгийн газар үүссэн нөхцөл байдлын талаар мэдээлэл хийж байна.
УОК-ын дарга Я.Содбаатар, ЭМ-ийн сайд Т.Мөнхсайхан нар огцорч байгаагаа мэдэгдлээ.
Эмнэлгийн ажилтнууд алдаа дутагдал гаргасныг УОК-ын дарга, ЭМЯ болон ХӨСҮТ-ийн удирдлага хүлээн зөвшөөрч, тухайн ээж болон ар гэрийнхнээс нь уучлалт хүссэн.
УОК-ын дарга Я.Содбаатар “УОК-ын дарга Я.Содбаатар, Үүссэн нөхцөл байдалтай холбоотойгоор УОК-ын удирдлага би огцорч байна. Өчигдрийн үйлдэлд гүнээ харамсаж чин сэтгэлээсээ мэдэгдэл гаргасан юм. Шууд миний хариуцх асуудал биш ч гэлээ хүнлэг бус, сэтгэлгүй хүмүүс Монголын төрд цөөн ч гэсэн байгаад бас харамсаж байна. Хариуцлагатай албанд томилсон Монгол Улсын Ерөнхий сайд, нийт ард иргэдээсээ уучлалт хүсэж байна “гэв.
Эрүүл мэндийн салбарын хариуцлага алдсан ажилтнуудын өмнөөс хариуцлага хүлээж УОК-ын дарга Я.Содбаатар, Эрүүл мэндийн сайд Т.Мөнхсайхан нар огцорч байгаагаа мэдэгдлээ. Тэрээр “Эрүүл мэндийн сайдын албан үүргээс чөлөөлөгдөх хүсэлтээ Ерөнхий сайдад уламжлах болно” хэмээн мэдэгдээд Монгол Улсын эрүүл мэндийн салбарт 57 мянган ажилтан бий. Хариуцлагагүй хэдхэн хүний алдаанаас болж, эрүүл мэндийн салбарынхны нэр хүнд унах ёсгүй” хэмээн онцлов.