Нийслэлийн прокурорын газраас яллах дүгнэлт үйлдэн Сүхбаатар дүүргийн Эрүүгийн хэргийн анхан шатны шүүхэд шүүхэд шилжүүлсэн “Эрдэнэс силвер ресурс”-ийн захирал асан Т.М, үйлдвэрлэл хариуцсан дэд захирал Б.Ж нарт холбогдох хэргийг шүүх гэм буруутайд тооцож шийдвэрлэлээ.
Тодруулбал, “Нүүрсний” хэргийн хүрээнд шалгасан, төрийн өмчит “Эрдэнэс силвер ресурс” компанийн гүйцэтгэх захирлаар ажиллаж байсан Т.М нарын 6 хүнд холбогдох хэргийг шүүхээс хянан хэлэлцээд Т.М-ыг ЭХ-ийн 22.4-2 /хясан боогдуулж бусдаас хахууль авсан/, Б.Ж-ыг ЭХ-ийн 22.4-2, 18.6-1-д /хахууль авсан, мөнгө угаасан/ заасан гэмт хэрэг үйлдсэн гэм буруутайд тус тус тооцсон шийдвэрийг 2023 оны 11 дүгээр сарын 02-ны өдөр гаргалаа.
Харин шүүгдэгч нараас гаргасан хохирол, төлбөр барагдуулах саналын дагуу эрүүгийн хариуцлага хүлээлгэх шүүх хуралдааныг 4 хоногийн дараа хийхээр болсон байна.