Баянзүрх дүүргийн тавдугаар дугаар хороо, Өлгийн 26 дугаар гудамжний дэргэд цэвэр усны шугам солиж байсан хоёр хүн шороонд дарагдаж, нэг нь амиа алджээ. Нийслэлийн Онцгой байдлын албанаас дуудлагын дагуу очиход иргэн Б, иргэн М хоёр шороонд дарагдсан байжээ. Иргэн Б-г яаралтай аварч эмнэлэгт хүргэсэн бөгөөд аарцаг, нуруундаа бэртэл авсан байжээ. Харин 36 настай М тусламж авч амжилгүй нас барсан тул Баянзүрх дүүргийн цагдаагийн нэгдүгээр хэлтэст хүлээлгэн өгсөн байна.