Ус цаг уур, орчны судалгаа, мэдээллийн
хүрээлэнгийн мэдээгээр өнгөрсөн сард хамгийн их хур тунадас Булган
аймгийн Могод, Өвөрхангай аймгийн Хужирт суманд орж, 129 мм-т хүрсэн
байна. Агаарын температур Баянхонгор аймгийн Шинэжинст суманд хамгийн
өндөр буюу 40 хэм хүрч халжээ. Харин Завхан аймгийн Цэцэн-Уул суманд
агаарын температур -2.0 хэмд хүрсэн нь өнгөрсөн сарын хамгийн бага хэм
ажээ.
Салхины хамгийн их хурд Говь-Алтай аймгийн Бугат суманд тохиож, 23 м/с
хүрсэн байна. Хур тунадасны нийлбэрийг өмнөх оны мөн үеийнхтэй
харьцуулж, цаг уурын станцын байршлаар нь авч үзвэл Хэнтий аймагт 42.1
мм, Дорнод аймагт 25.5 мм, Дархан-Уул аймагт 20.5 мм, Өвөрхангай аймагт
17.2 мм- ээр багасч, харин Архангай аймагт 54 мм, Говьсүмбэр аймагт 52.6
мм, Өмнөговь аймагт 48 мм, Төв аймагт 34.3 мм-ээр их байна. Аймгийн төв
болон Улаанбаатар хотын агаарын дундаж хэм энэ оны долдугаар сард олон
жилийн дунджаас 1.7 хэмээр, өмнөх сарынхаас 1.5 хэм, өмнөх оны мөн
үеийнхээс 1.3 хэмээр дулаан гарчээ.