Худалдан авах чадвараас хамаарсан орон сууцны зах зээлийн үнийн уналт үргэлжилсээр байна. “Тэнхлэг зууч” компанийн мэдээлснээр зургадугаар сард нийслэлд байршилтай орон сууцны дундаж үнэ өмнөх сараас 1.1 хувиар буурчээ.
Харин сүүлийн нэг жилийн хугацаанд орон сууцны үнийн индекс 10.3 хувиар буурч, 2.3 хувьтай гарсан байна. Хэдийгээр орон сууцны үнэ буурч буй ч дотоодын эдийн засгийн нөхцөл байдал, өрхийн орлого, худалдан авах чадвар мөн буурснаар орон сууцны төсөл хэрэгжүүлэгч компаниуд хямдрал, урамшуулал зарлахын зэрэгцээ төлбөрийн нөхцөлийг хөнгөлөх байдлаар борлуулалтаа идэвхжүүлж байна. Зах зээлд нийлүүлэлтийн илүүдэл гарснаар хуучин орон сууцны үнийн бууралтыг дагаад шинэ орон сууцны үнэ буурах хандлагатай байна.