Баттерей нь халж дэлбэрдэг гэсэн асуудлаас болоод Самсунг компани саяхан зах зээлд гаргасан “Galaxy Note 7” гар утсаа эргүүлэн татаж эхэлжээ. Тодруулбал, өнгөрсөн баасан гарагт энэ тухайгаа Самсунг компани олон нийтэд зарлаж эхний ээлжинд АНУ-ын зах зээлд борлуулсан утсаа татаж эхэлсэн аж.
Самсунг компани хэрэглэгчдэд “Galaxy Note 7” гар утсаа шинээр солиулах, худалдаж авсан “Galaxy Note 7”-гоо “Galaxy S7, S7 edge” гар утаснуудын аль нэгээр сольж үнийн зөрүүг нь буцааж авах санал тавьжээ.Үүнээс гадна гар утасны төлбөрөөс нь $25 хөнгөлөх боломж олгож байгаа аж. Тус компани өнгөрсөн хугацаанд 2.5 сая “Galaxy Note 7” утсыг Өмнөд Солонгос болон гадаад зах зээлүүдэд борлуулаад байгаа ажээ.