Олон улсын сагсан бөмбөгийн холбоо/ФИБА/-ны сагсанбөмбөгийн 3×3 төрлийн “U23 World Cup” буюу Дэлхийн залуучуудын аварга шалгаруулах тэмцээн БНХАУ-ын Ланжөү хотод энэ сарын 02-06-нд болно.
Монгол Улсын U23 хүртэлх насны шигшээ эрэгтэй, эмэгтэй баг дэлхийн чансаа өндөр багийн хувьд бүтэн багаар оролцох эрхийг авсан юм. ДАШТ-д тив бүрээс шалгарсан эрэгтэй, эмэгтэй тус бүр 20 баг өрсөлдөнө.
Монгол Улсын эрэгтэй шигшээ баг дэлхийн аваргын чансааны дөрөвт эрэмбэлэгдэж, D хэсгийг тэргүүлнэ. D хэсэгт: Монгол, Нидерланд, Литва, Серби, БНСУ багтжээ. Харин манай эмэгтэй шигшээ баг чансааны гуравт эрэмбэлэгдсэн бөгөөд С хэсгийг тэргүүлнэ. С хэсэгт: Монгол, Румын, ХБНГУ, Иран, Уганда улсын шигшээ баг багтсан байна.