Монголын пара цанын шигшээ багийн тамирчин Б.Ганболд нэгдүгээр сарын 23-нөөс хоёрдугаар сарын 1-ний хооронд АНУ-д болох Дэлхийн аварга шалгаруулах тэмцээний бэлтгэлээ хангаж байна.
Б.Ганболд 2013 онд АНУ-ын Солт Лейк хотод болсон Сочийн өвлийн Олимпийн сонгон шалгаруулах тэмцээний цанын спринт төрөлд мөнгөн медаль хүртэж, пара цаначдын анхны олон улсын медалийг эх орондоо авчирч байсан юм. Мөн Шведэд болсон Дэлхийн аварга шалгаруулах тэмцээнд оролцож, 60 гаруй тамирчнаас 18 дугаар байрт бариалж, Сочид өрсөлдөх эрхээ авсан.Улмаар “Сочи-2014” XI паралимпт эх орноо төлөөлөн гурван зайд уралдсан юм.
Пара цанын тамирчин Б.Ганболдын хувьд хөнгөн атлетикаар хичээллэдэг байсан бөгөөөд сүүлийн хоёр жил цанын спортоор хичээллэж, дасгалжуулагчаар Ж.Дашдондог ажиллаж байна.