DNN

2024 оны “Элсэлтийн шалгалт”-ын 10 хичээлийн сэдэв даалгаврыг хүргэж байна.

Та бүхэн дараах холбооснууд дээр дараад хичээл тус бүрийн А, B, C, D хувилбаруудыг түлхүүрийн хамт татаж аваарай.

1. Монгол хэл https://eec.mn/post/5343

2. Математик https://eec.mn/post/5336

3. Англи хэл https://eec.mn/post/5309

4. Биологи https://eec.mn/post/5322

5. Хими  https://eec.mn/post/5329

6. Монголын түүх https://eec.mn/post/5350

7. Нийгэм судлал https://eec.mn/post/5364

8. Физик https://eec.mn/post/5357

9. Орос хэл  https://eec.mn/post/5371

10. Газар зүй https://eec.mn/post/5379

Улаанбаатар хотод  долдугаар сарын 29-ний байдлаар гол нэрийн зарим хүнсний барааны үнэ өмнөх сараас 2.1 хувиар, өмнөх 7 хоногоос 1.5 хувиар тус тус буурчээ.

2024 оны долдугаар сарын 29-ний байдлаар аймгийн төвүүдэд зарагдаж байгаа гол нэрийн зарим хүнсний барааны дундаж үнийг танилцуулж байна.

Э.Бадамгарав

Зуншлагын байдал долдугаар сарын 31-ны байдлаар мэдээллийг хүргэж байна.

Нийт нутгийн 70 орчим хувьд буюу Орхон, Дархан-Уул, Төв, Сүхбаатарын нийт, Баян-Өлгий, Увс, Завхан, Хөвсгөл, Архангай, Өвөрхангай, Булган, Сэлэнгэ, Дорнодын ихэнх, Ховд, Говь-Алтай, Баянхонгор, Өмнөговь, Дундговь, Дорноговь, Хэнтийн зарим нутгаар сайн, 10 орчим хувьд буюу Дорноговийн зарим, Говь-Алтай, Баянхонгор, Дундговь, Өмнөговийн ганц нэг сумдын нутгаар муу, бусад нутагт дунд байна.

Он гарсаар манай улсад нийт 436 617 жуулчин хүлээн авчээ.

Түүнчлэн өнгөрөгч долдугаар сарын байдлаар 139.502 гадаадын жуулчин манай улсад иржээ. 

Манай улсад ОХУ, БНХАУ, БНСУ-ын жуулчид хамгийн их ирж, аялж байгаа аж.

Тодруулбал,

• ОХУ 120 412
• БНХАУ 109 584
• БНСУ 108 295
• Казахстан 16,465
• Япон 12 485
• АНУ 10 587
• ХБНГУ 6 476
• Турк 4 581
• Хятад, Тайван 6 233
• Беларусь 3 352 тус тус гадаадын жуулчин ирсэн байна.

Нийслэлийн удирдах ажилтнуудын шуурхай зөвлөгөөнөөр 2024-2025 оны хичээлийн шинэ жилийн бэлтгэл ажил, өвөлжилтийн бэлтгэл, үерийн болзошгүй эрсдэлээс урьдчилан сэргийлэх чиглэлээр авч хэрэгжүүлж буй ажил арга хэмжээний талаар хэлэлцлээ. Энэ хичээлийн жилд улс, нийслэлийн төсвийн хөрөнгө оруулалтаар 27 сургууль, 48 цэцэрлэг нийслэлд шинээр ашиглалтад оруулна.

Энэ талаар нийслэлийн Боловсролын газрын дарга Б.Амартүвшин “2024 оны наймдугаар сарын байдлаар нийслэлийн хэмжээнд 7 цэцэрлэг, 4 сургууль ашиглалтад орсон. ЕБС-д 403,352 хүүхэд, цэцэрлэгт 142,150 хүүхэд сургуулийн өмнөх боловсрол эзэмшинэ. Цэцэрлэгийн цахим бүртгэл өнгөрсөн наймдугаар сарын 01-ний өдөр эхэлсэн. Өнөөдрийн байдлаар 68 мянган хүүхэд цахимаар бүртгүүлээд байна. Энэ хичээлийн шинэ жилд ЕБС-ийн нэгдүгээр ангид 38,398 хүүхэд элсэх бөгөөд цахим бүртгэл наймдугаар сарын 12-ны өдрөөс эхэлнэ. Энэ хичээлийн жилд төрийн болон хувийн нийт 265 сургуулийн автобус үйлчилгээнд явахаар төлөвлөөд байна” гэлээ.

Үргэлжлүүлэн Геодези, усны барилга байгууламжийн газраас үерийн болзошгүй эрсдэлээс сэргийлэх чиглэлээр авч хэрэгжүүлж байгаа арга хэмжээний хүрээнд 5 байршилд 3700 метр замын ус зайлуулах шугам, 1090 метр үерийн суваг шинээр барьж буй.  Ажлын явц өнөөдрийн байдлаар 70 хувьтай үргэлжилж байна. Энэ талаар ГУББГ-ын Ажлын албаны дарга Б.Бямбасайхан “Шунхлай ШТС-ын бууринд Дунд голын эргийн хамгаалалтын 210 метр даланг угсарч дууссан бөгөөд нөхөн сэргээлтийн ажил хийнэ. Мөн ЧД-ийн 13-р хороо Хайлаастын үерийн хамгаалалтын барилга байгууламж угсралтын ажлын хүрээнд 350 метр урт үерийн сувгийг засаж байгаа ажил 85 хувийн гүйцэтгэлтэй үргэлжилж байна” гэлээ.

Шуурхай зөвлөгөөний үеэр Нийслэлийн Засаг дарга бөгөөд Улаанбаатар хотын захирагч Х.Нямбаатар явган хүний замыг засаж сайжруулах, гэр хорооллыг орон сууцжуулах төслийн хүрээнд хийгдэж буй газар чөлөөлөлтийн ажлыг эрчимжүүлэхийг үүрэг болголоо.

Мөн тэрбээр дараах үүрэг даалгаврыг холбогдох албаныханд өглөө.

• 2024-2025 оны өвөлжилтийн бэлтгэл хангах ажлын хүрээнд инженерийн шугам сүлжээ, авто зам, тохижилт, ногоон байгууламжийн ажлыг эрчимжүүлж, чанар стандартыг хангуулах;
• Хотын аж ахуйн зориулалтын авто машин, тоног төхөөрөмжийн сэлбэг, хэрэгслийг нөөцлөх, үйлчилгээнд нэн шаардлагатай тусгай зориулалтын машин механизмын худалдан авах ажиллагааг эрчимжүүлэх;
• “Таван толгой түлш” ХХК-ийн үйлдвэрийн хэвийн үйл ажиллагааг хангуулж, сайжруулсан түлшний нөөцлөлтийг эрчимжүүлэх;
• Авто замын хөдөлгөөний ачааллыг бууруулах ажлын хүрээнд нийтийн тээврийн тоо, хүртээмжийг өглөө, оройд нэмэгдүүлэх;
• Зах худалдааны төвүүдийн авто зогсоолын зохион байгуулалтыг сайжруулж, замын хөдөлгөөнд саад учруулахаас урьдчилан сэргийлж ажиллах зэрэг үүрэг даалгаврыг өглөө.