DNN

УЛААНБААТАР ХОТ ОРЧМООР: Шөнөдөө үүлшинэ, дуу цахилгаантай бага зэргийн аадар бороо орно. Өдөртөө үүл багасна, бороо орохгүй. Салхи баруун өмнөөс баруун хойш эргэж секундэд 5-10 метр, борооны өмнө түр зуур ширүүснэ. Шөнөдөө +13…+15 градус, өдөртөө +24…+26 градус дулаан байна.

Хур тунадас: Ихэнх нутгаар солигдмол үүлтэй. Шөнөдөө баруун аймгуудын нутгийн хойд, төвийн аймгуудын нутгийн зүүн хэсэг, зүүн аймгуудын нутгийн зарим газраар, өдөртөө баруун аймгуудын нутгийн хойд, төвийн аймгуудын нутгийн баруун хэсэг, зүүн аймгуудын нутгийн зарим газраар бороо, дуу цахилгаантай аадар бороо орно.

Салхи: Ихэнх нутгаар баруунаас секундэд 5-10 метр, борооны өмнө түр зуур ширүүснэ.

Агаарын температур: Шөнөдөө Монгол-Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Байдраг, Идэр, Тэрэлж голын хөндийгөөр +5…+10 градус, Их нууруудын хотгор, говийн бүс нутгийн хойд болон зүүн хэсэг, Дарьгангын тал нутгаар +16….+21 градус, говийн бүс нутгийн баруун өмнөд хэсгээр +20…+25 градус, бусад нутгаар +11…+16 градус, өдөртөө Монгол-Алтай, Хангай, Хөвсгөлийн уулархаг нутаг, Онон голын хөндийгөөр +19…+24 градус, говийн бүс нутгийн өмнөд хэсгээр +33…+38 градус, Их нууруудын хотгор, говийн бүс нутгийн хойд хэсэг, Орхон голын сав газар, Дарьгангын тал нутгаар +28…+33 градус, бусад нутгаар +23…+28 градус дулаан байна.

БАГАНУУР ОРЧМООР: Шөнөдөө үүлшинэ, дуу цахилгаантай бага зэргийн аадар бороо орно. Өдөртөө үүл багасна, бороо орохгүй. Салхи баруун өмнөөс баруун хойш эргэж секундэд 5-10 метр, борооны өмнө түр зуур ширүүснэ. Шөнөдөө +11…+13 градус, өдөртөө +24…+26 градус дулаан байна.

ТЭРЭЛЖ ОРЧМООР:  Шөнөдөө үүлшинэ, дуу цахилгаантай бага зэргийн аадар бороо орно. Өдөртөө үүл багасна, бороо орохгүй. Салхи баруун өмнөөс баруун хойш эргэж секундэд 5-10 метр, борооны өмнө түр зуур ширүүснэ. Шөнөдөө +8…+10 градус, өдөртөө +23…+25 градус дулаан байна.

Бороо орсны дараа нийслэлийн ихэнх байршилд ус тогтож, явган алхаж буй иргэн болон автомашин зорчиход хүндрэлтэй байдал үүсдэг.

Иймд ус ихээр тогтдог зургаан байршилд төсвийн тодотголоор ус зайлуулах шугам хоолойг шинээр хийхээр болжээ.

Тодруулбал

• Нарны гүүрний урд хэсэг
• Энхтайваны гүүрний доод хэсэг
• Яармаг
• 22-ын товчоо
• Тахилтын нүхэн гарц
• Төмөр замын төв буудалд ус зайлуулах шугамтай болох нь.

Нэгдүгээр ангид элсэн суралцах суралцагчдын бүртгэл энэ сарын 12-25-ны хооронд үргэлжилнэ.

Түүнчлэн энэ жил зургаан нас хүрч байгаа буюу 2018 оны нэгдүгээр сарын 1-нээс арванхоёрдугаар сарын 31-н хүртэл төрсөн хүүхдүүдийг бүртгэхээр Е-Mongolia систем дээр бэлтгэжээ.

“И-Монгол академи” УТҮГ-ын захирал Б.Мягмарнаран “Улсын хэмжээнд дээр дурдсан хугацаанд бүртгэлтэй зургаа хүртэлх насны 77 285 хүүхэд бүртгэгдээд байна. Нэгдүгээр ангид элсэн суралцагчдын бүртгэл наймдугаар сарын 12-25-ны хооронд үргэлжилнэ” гэв.

“Мөнхийн реп”, “Flash”, “No name”,“Outlaw”хамтлагууд ALL IN HIT- “Хайрын үдэш” тоглолтын талаар хэвлэлийн хурал хийлээ.

ALL IN HIT тоглолт энэ сарын 9-нд болох юм.

Тоглолтын гүйцэтгэх продюсер Ч.Пүрэвхүү “Үзэгчдийнхээ тав тухыг хангах зорилгоор хоол, ус ундаа үйлчилгээний 45 асар байрлуулсан.  Мөн автомашины зогсоолыг хангалттай шийдэж өгсөн. Тоглолт бүрт тохиолддог нэг асуудал нь ариун цэврийн байгууламж байдаг. Тиймээс үүнийг нэг зэрэг 350 хүн орох боломжтойгоор хангаж өгсөн.

Тасалбарын хувьд GS25, Shoppy.mn, Ticket.mn-ээр борлуулж байна. Тоглолт Хүүхдийн паркийн хойд талд, Шангри-лагийн баруун талд HIT PARK-д болно” хэмээн ярилаа.

Тоглолтод дээрх хамтлагууд өөрсдийн хит 76 дуу дуулах аж.

Харин хөгжмийн найруулгын талаар “Мөнхийн реп” хамтлагийн гишүүн Б.Лхагваа “Үзэгчид маань “Дуунуудаа битгий шинэчлээрэй, хуучнаараа  дуулаарай. Тэгвэл бидэнд гоё байна” гэсэн санал ирсэн тул яг тэр үеийнхээрээ дуулна” гэв.

Хэвлэлийн хурлын үеэр “Flash” хамтлагийн дуучин Э.Нандин-Эрдэнэтэй цөөн хором ярилцлаа.

– Хамтарсан тоглолт болохыг сонсоод хэрхэн хүлээж авсан бэ?

–Тухайн үеийн хит болж байсан хамтлагууд хамтарч тоглолт хийнэ гэхэд үзэгчдийнхээ өмнөөс маш баяртай хүлээж авсан.

-Таны хувьд хамгийн шилдэг гэж боддог дуу байгаа юу?

–Айлын хүүхдүүдийг алаг үзэж байгаа мэт нэг дууг нь онцгой гэж хэлэх хэцүү юм аа. Богино хугацаанд цацагдаж хүмүүст хүрч байсан дуунууд тул бүгд л сэтгэл зүрхнээс бүтсэн.

-Үзэгчдэдээ ямар гэнэтийн бэлэг бэлдсэн бэ?

–Зохион байгуулагчдын зүгээс төлөвлөсөн зүйлс байгаа. Одоогоор нууц(инээв).

-Цаашдын уран бүтээлийн төлөвлөгөө?

–Одоогоор төлөвлөсөн зүйл байхгүй, тус тусдаа уран бүтээлээ хийгээд явна.

Т.УНДРАХБАЯР