DNN

Улаанбаатар хотын гэр хорооллыг хөгжүүлэх, дахин төлөвлөх хөтөлбөр 10 жилийн хугацаанд хэрэгжих юм байна. “Улаанбаатар хотын гэр хорооллыг хөгжүүлэх, хөрөнгө оруулалтын хөтөлбөр”-ийг УИХ-аас соёрхон баталсан бөгөөд 10 жилийн хугацаанд гурван үе шаттайгаар хэрэгжүүлэх ажээ. Хөтөлбөрийн санхүүжилтийг Азийн хөгжлийн банкнаас гаргахаар болсон юм. Азийн хөгжлийн банк энэхүү хөтөлбөрт 96 сая ам.долларын хөрөнгө оруулалт хийх аж. Энэхүү хөтөлбөрийн хүрээнд гэр хорооллын усан хангамж, цэвэрлэх байгууламж, дулааны үйлчилгээг шинэчилж, нэмэгдүүлэх юм байна. Мөн гэр хорооллын зургаан дэд төвийг барихаар болжээ.

Цахилгаан шугам тоноглолд засвар хийж байгаатай холбогдуулан тавдугаар сард хуваарийн дагуу түр хугацаагаар цахилгааны хязгаарлалтыг хэсэгчлэн хийж байгаа. Тэгвэл өнөөдөр цахилгаан эрчим хүчийг түр тасалж, засвар хийгдэх газруудын хуваарийг хүргэж байна.
Баянзүрх дүүрэг
10.30-18.00 цагт: Гуравдугаар 12 дугаар хорооллын 1-9, 10, 11А, 11Б, 12А, 12Б, 13, 30, 40, 42, 44, 45, 48, 51-56, 115-р байр, Загасны дэлгүүр, “Ганбиж”, “Си Ар И”, “Ай Эс Си Элекс”, “Оч билгүүн” Монголын бэлчээрийн менежментийн холбоо, “Алтан горхи”, “Дулаан өргөө”, “Жэй Кэй Си”, “Их үйлсийн эрэлд”, “Монхангай трейд” /МД-120/, “Зохиомж” дээд сургууль, “Соёмбо”, “Нарлаг”, “Баянзүрх”, “Цогт огторгуй” СӨХ, “Засагтхан” дээд сургууль, Төрийн банкны сансар сервер, “Дашира” ХХК, МЦХ ХК ВТС-7, “Сансар бридж”, “Алтан жолоо” трейд, “Эс Пи сервис” ХХК, “Улуснэт”, “Сар трейд”, “Хүүбаяр”, РТТ, “Бэс ундарга”, Уламжлалт эмийн ургамал, “Жимобайл”, ЦЕГ мэдээлэл, Шинжлэх ухаан төв, “Энэрэлдент”, “Сайзара”, “Хүрмэн”, “Юнивишн”, “Халх журам” дээд сургууль, “Скайтел”, “НИММ” проперти, “Венус принтинг”, “Сүү”, “Хивс сервис”, “Буйлаастай”, /ААГ Фарма/, “Бэсм”, “Хэрлэн буян”, “Есөн үндэс”, “Сансрын гэрэл”, “Шинэн”, “Жүр үр”, “Монмастер” ХХК, “Монгол шуудан” 49, 33 дугаар сургууль, 61 дүгээр цэцэрлэг, гуравдугаар хорооны ЗДТГ, “Оршил” констракшн, “Дэнж сансар өргөө” ОНӨААТҮГ, “Ундарга”, “Санчир”, “Сансар-956”, “Өлзий”, “Тулга-3”, “Тансаг дөл” СӨХ, “Сити шоп” 95, Хоёрдугаар эмнэлэг, аж/ орон сууц, “Цахиуртын говь”, “Жумбом”, “Эдванс”, “Бат шилүүстэй”, “Нада кредит”, “МН софт торос”, “Баянхайрхан”, “Бумбат хайрхан” ХХК, “Сирус” ресторан, Христийн сүм тэр орчмын хэрэглэгчдийн цахилгааныг хязгаарлана.
Чингэлтэй дүүрэг
10.30-17.30 цагт: 7, 8, 9 дугаар хороо Хувьсгалчдын-Б, В 1-3, Баруун Тасганы 1, 4, 5, 8-10, Дунд Тасганы 2-7, 9, Зүүн Тасганы 1-4, 6-9, 10-12, Дэнжийн 25, 27-29, Зүүн Ард Аюушийн 1, 2, 5, 6, 7, 9, 10, 13, 25, Хувьсгалчдын-Д 2-5, Сангийн 1, Усан сангийн 1-4, Усны 1, 3, Хувьсгалчдын-Г 9-11-р гудамж, Цагаанчулуун /нийтийн байр/, “Түнш импекс”, “UМО”, “Глобал шонхор”, “Билэгт”, “Есөн чандмань”, “Хүчит бүргэд”, “Наран эрхэс” ХХК, “Баянгол-гео”  орчмын хэрэглэгчдийн цахилгааныг хязгаарлах юм байна.
Баянгол дүүрэг
10.30-17.30 цагт: 11 дүгээрр хороо зургаадугаар хорооллын 77-1, 2 дугаар байр, ЭХЭМҮТөв, Баянгол эмнэлгүүд, “Жаст ойл” ШТС, БТ-1, 2 дугаар байр, “Гурван гал” трейд орчмын хэрэглэгчдийн цахилгааныг хязгаарлана.
Хан-Уул дүүрэг
09.00-17.00 цагт: “Ди-Би”, “Сор”, “Бэлон” орчмын хэрэглэгчдийн  10.00-18.00 цагт: 8, 9, 10, 16 дугаар хороо 4, 5, 6-9 дүгээр гудамж орчмын хэрэглэгчдийн цахилгааныг хязгаарлана.
Сонгинохайрхан дүүрэг
10.00-17.00 цагт: 15, 16 дугаар хороо нэгдүгээр хороолол 22, 23, 24, 25, 26 /Өнөр хотхон/ дугаар байр, 2, 3 дугаар бага сургууль, ЭЭС эмнэлэг, 110, 113 дугаар цэцэрлэг орчмын хэрэглэгчид, 10.00-18.00 цагт: 2, 3, 9 дүгээр хороо Баганарангийн 2, 3, 6, 19 дүгээр гудамж, Ихнарангийн 1-4, 8, Цэргийн ангийн 14, 24, Зүүнсалааны 4, Зүүн Баян-Уулын 32-35, 16 дугаар гудамж орчимд цахилгаан хязгаарлана.
Налайх дүүрэг
10.00-18.00 цагт: 58, 60, 62-67, 35А  байр, 10-н шарын ЦРП, цагаан байр орчимд тус тус цахилгааны хязгаарлалт хийнэ.

Энэ онд манай улс 35 сая тонн нүүрс экспортлох зорилт тавин ажиллаж байгаа бөгөөд оны эхний дөрвөн сарын байдлаар 8.05 сая тонн нүүрс экспортолжээ.
2008 онд манай улс 5.1 сая тонн нүүрс экспортолсон бол 2012 онд 20.5 сая тонн нүүрс гадагш нь гаргасан тоон мэдээ байна. Жил ирэх тусам нүүрсний экспортын тоо хэмжээ нэмэгдэж буй ч өнгөрсөн оноос экспорт саараад байгаа юм. Тиймээс нүүрсний чанарт анхаарч боловсруулж гаргах нь  чухал гэдэгт мэргэжилтнүүд санал нэгдсэн. Тэгвэл Тавантолгойгоос олборлосон нүүрсийг “Энержи Ресурс” компанийн нүүрс угаах үйлдвэрт боловсруулан Хятад руу экспортлох ажлыг өрнүүлж байна. Тус компанийн нүүрс боловсруулах үйлдвэр жилдээ 15 сая тонн нүүрс боловсруулах хүчин чадалтай бөгөөд энэ оны дөрөвдүгээр сарын байдлаар 549 мянган тонн нүүрс угаажээ. Дашрамд дурдахад, Монгол Улс 2020 он гэхэд 50 сая тонн нүүрс экспортлох төлөвлөгөө гаргасан байна.

Жил бүрийн зургадугаар сарын эхний долоо хоногийн бямба гаригийг “Автомашингүй өдөр” болгон тэмдэглэдэг уламжлалтай. Тэгвэл энэ жилийн автомашингүй өдөр ирэх сарын 07-ны өдөр тохиох аж. Автомашингүй өдрөөр хотын төвийг тойрсон гол гол замуудын хөдөлгөөнийг хаараар болжээ. Тухайбал, Чингэсийн талбайн хоёр талын зам, Чингэсийн талбайгаас баруун тийш баруун дөрвөн зам хүртэл, баруун дөрвөн замаас хойшоогоо Гэсэр сүмийн уулзвар буюу Тэнгис хүртэлх зам, Тэнгис кино театраас Хүнсний нэгдүгээр дэлгүүр хүртлэх замыг хаана. Цаашлаад хүнсний нэгдүгээр дэлгүүрээс Ардын эрх, Сансрын тунел, зүүн дөрвөн зам хүртэлх зам, тэндээсээ эргээд Энхтайвны өргөн чөлөө буюу Чингэсийн талбай хүртэлх замуудыг зургадугаар сарын 07-ны өдрөөс 09.00 цагаас 22.00 хүртэл тус тус  хаах аж.
Мөн эл өдөр бүх нийтээр  биеийн тамир, спортыг дэмжих өдөр болгон “Улаанбаатар-марафон” гүйлтийн тэмцээнийг зохион байгуулдаг. Энэ жил уг  тэмцээнийг марафон болон сонирхогчдын гүйлт гэсэн хоёр төрөлд явуулах ажээ. Марафоны төрөлд нь тогтмол гүйлтээр хичээллэдэг хүмүүс оролцох бол сонирхогчдын гүйлтийг  дөрвөн насны ангилалд явуулах юм байна.

Э.НОМИН