Иргэдийн дунд экспортыг нэмэгдүүлэх, импортыг орлох 888 төслийг шууд санхүүжүүлнэ гэж төөрөгдүүлэн, хэвлэл мэдээллийн хэрэгслээр 888 төсөлд шалгарсан төслийг худалдах тухай зар гарч байгаа нь залилан мэхлэх гэмт хэргийн шинжтэй байж болзошгүй байна. Иймээс холбогдох хууль тогтоомжийн дагуу шалгах арга хэмжээг авах талаар Засгийн газрын Хэрэг эрхлэх газраас Цагдаагийн байгууллагад мэдээлэл хүргүүлээд байна.
Засгийн газраас экспортыг нэмэгдүүлэх, импортыг орлох үйлдвэрийг дэмжих хүрээнд төслийн нээлттэй шалгаруулалтыг энэ оны нэгдүгээр сарын 17-ны өдөр хүртэл зарласан. Шалгаруулалтад нийт 1151 төсөл ирснээс импортыг орлох, экспортыг дэмжих 888 төсөл зорилгоо хангасан юм. Харин бусад нь төсөл нь давхардсан, мөн импортыг орлох, экспортыг дэмжих төслүүд биш байжээ. 888 төслийг цаашид арилжааны банкинд шилжүүлж, банк судалгаа хийж, зээлийн шалгуурт тэнцсэн төслүүдийг санхүүжүүлэх юм. Энэ нь 888 төсөл бүгд санхүүжилт авна гэсэн үг биш бөгөөд банкны шалгуурт тэнцсэн төслүүд санхүүжилт авах боломжтой болно.
Зээлийг төгрөгөөр, 5 жил хүртэл хугацаатай олгоно. Хүүгийн хэмжээ жилийн 9 хувиас илүүгүй байх бөгөөд үндсэн төлбөрөөс чөлөөлөгдөх хугацаа 12 сараас доошгүй байна гэсэн ерөнхий нөхцлүүдтэй байна.
Францын “Монако” баг ба Колумбын шигшээгийн үндсэн довтлогч Радамель Фалькао нэг сарын дундуур гэмтээсэн өвдөгний гэмтлээ эдгээж чадсангүй. Хэдийгээр тэрбээр “тун удахгүй бэтгэлдээ гарна” хэмээн мэдэгдээд байсан ч санаснаар болсонгүй бололтой.
Үндэсний их баяр наадмыг зохион байгуулах хороо өнөөдөр хуралдаж Үндэсний их баяр наадмын салбар хороодын бүрэлдэхүүн, зохион байгуулах хороо болон салбар хороодын ажлын төлөвлөгөө, баяр наадмын төсвийн төслийг хэлэлцлээ. 
Сагсан бөмбөгийн дэлхийн аварга шалгаруулах тэмцээнд амжилттай оролцсон сурагчдыг шагнав. УИХ-ын гишүүн, Хүн амын хөгжил, нийгмийн хамгааллын сайд С.Эрдэнэ өнөөдөр /2014.06.03 / сагсан бөмбөгийн сурагчдийн дэлхийн аварга шалгаруулах тэмцээнд Монгол Улсаа төлөөлж амжилттай оролцсон баг тамирчдыг шагнаж урамшуулав.
Монгол Улсын Төрийн албаны зөвлөлийн дарга Б.Цогоо БНАЛАУ-ын Дотоод хэргийн яамны урилгаар 5 дугаар сарын 26-29-нд БНАЛАУ-д ажлын айлчлал хийв. 
Өргөн хэрэглээний бараа бүтээгдэхүүний үнэ нэмэгдэж байна хэмээн ярьсаар байгаа энэ үед “Мишээл” талх 1100 төгрөг байсан 1200-1250 төгрөгөөр зарагдаж эхэлжээ. Дэлгүүрүүд үйлдвэрээс нь үнээ нэмсэн гэх тайлбарыг өгч байгаа аж. “Талх чихэр” ХК түүхий эдийн үнэ нэмэгдсэн учраас талхны үнээ нэмсэн. Атар талхнаас бусад талхны үнийг өнгөрсөн долоо хоногоос 50-100 төгрөгөөр нэмсэн байгаа гэсэн тайлбар өгсөн байна. Зуйван чех талх 850 төгрөг байсан бол 950 төгрөг болжээ. Хэрчсэн, хөх тарианы талхны үнэ ч 50-100 төгрөгөөр нэмэгдээд байгаа аж. “Атар-Өргөө” ХК “Атар” талхнаас бусад талхны үнээ 100 орчим төгрөгөөр нэмсэн аж. Тиймээс дэлгүүр, худалдааны төвүүд дахин 50-100 төгрөг нэмж борлуулж байна.
Хувьсгалчдын гудамж буюу Зурагтын шинэ эцсээс
Зун цаг шиврээ бороогоо намиран намируулсаар ирлээ. Зулзган болжморууд өрх дэрвэтэл шулганан нисэн буугаад л. Борооны бараан үүл хойноос урагшаа хилэнт өстөн гүрнийхээ өөдөөс дайтахаар яваа бөөн цэргийн улаан тоос татах мэт үзэгдэнэ. Улаан тоос мэт үүлэнд цэцэг ургуулах шид бий. Тэр нь борооны мөнгөлөг дусал ажгуу. Ижийгээсээ салах дургүй хүүхэд шиг түм буман бороон дусал мөнгөн ус мэт цайрах үед зарим нь задран задарсаар үүлэн зүгтээ тэмүүлэх мэт усан зам татуулан газарт бууна. Борооны амиар цэцэг ургана. 
Үзэсгэлэнт охидын шүхэр доор хоргодох хүсэлтэй залуус тэднээс харцаа үл салгана. Салгаж чадаагүй харцанд нь “Гоо үзэсгэлэнг чинь борооны солонго гэж нэрлэе” гэх гэгээн бодол тээж явааг нь харж болох. Замын хашлага мөргөн буцах борооны усан цардмал замдаа эргэн буухдаа ямархан машины дугуйн хээгээр дахин хашлага давах бол гэх бодол тээх мэт харагдана. Ай энэ Улаанбаатарын бороо гоо охидын үзэсгэлэнг бахдахаас аргагүй болгоно. 
Тэртээ хэдэн жилийн өмнө зургадугаар сарын ийм л борооноор “Бороо бороо ороорой оросын маамуу ирээрэй” хэмээн дуулж байсан цаг дөнгөж өчигдрийнх мэт нэн тодхон. Энэ бүгдийг дэргэдэх дүүдээ хэлтэл хэзээ эртийн үлгэр сонсож буй мэт намайг ширтэх нь соньхон. Бороо ороод л… бороон дуслууд газар унахад түүний үрээр тэнгэрийн цэцэг газарт ургана. Ай энэ зун цаг юмсан уу.
