ОХУ-ын Төрийн Дум-ын сонгуульд хилийн чанадын 100 гаруй оронд ажиллаж амьдарч буй орос иргэд саналаа өгсөн байна. Эдгээр иргэдийн тоо хоёр сая орчим бөгөөд Украинаас бусад оронд байгаа орос иргэд саналаа өгөх нөхцөл боломжоор хангагдсан аж.
Харин Киевийн эрх баригчид Оросын дипломат төлөөлөгчийн газрын нутаг дэвсгэр дээр сонгуулийн санал хураалт зохион байгуулахыг эрс хориглосон байна. Харьков, Одесс хотуудад ч нөхцөл байдал ижил байсан аж.
Украинд байгаа орос иргэд өөрсдийн амь насаараа дэнчин тавин байж сонгуульд саналаа өгөхөөр явсан хэдий ч “Свобода” намын хэт үндэсний үзэлтнүүд элчин сайдын яам руу орох хаалгыг хаагаад оруулаагүй гэнэ. Тэд элчингийн өмнө янз бүрийн доромжилсон үг бүхий уриа лоозон барьж, оросын төрийн далбааг газарт хаян дэвсэлсэн байна.
Оросын Төрийн Дум-ын энэ удаагийн сонгуульд “Единая Россия” нам нэг мандаттай 203 тойрогт манлайлан 53,54% хувийн саналаар намын жагсаалтад тэргүүлж яваа аж.