Хаврын төвийн бүсийн хурдан морины уралдаан “Дүнжингарав-2017” үргэлжилж байна. Уралдааны азарга насанд 170 гаруй хурдан шандаст хүлэг хурд хүчээ сорьсноос Орхон аймгийн Жаргалант сумын уяач Г.Баярцэнгэлийн зээрд азарга түрүүллээ. Уг зээрд азарга нь өнгөрсөн жил болсон Хангай бүсийн наадамд мөн түрүүлж байжээ. Аман хүзүүнд уяач н.Эрдэнбулганы уясан бор азарга орж ирлээ.
Айргийн гуравт уяач н.Дамбажавын хээр азарга, дөрөвт мөн н.Дамбажавын зээрд азарга тус, тус хурдалсан бол айргийн тавд “Апу”-гийн Г.Батхүүгийн хүү Б.Ганхүлэгийн хул азарга орлоо.