Ашигт Малтмал, Газрын Тосны газар өнгөрсөн оны арваннэгдүгээр сараас эхлэн цахимаар компаниудын уулын ажлын төлөвлөгөө, тайланг хүлээн авч байна. Энэ хүрээнд зургаадугаар сарын байдлаар нийт 338 төлөвлөгөөг
БОАЖЯ-аас гаргасан хүсэлтийн дагуу хайгуул хийх боломжтой талбайнхаа хэмжээг таван сая га-гаар багасгасан талаар Ашигт Малтмал, Газрын Тосны газар мэдээллээ. Ийнхүү тайланг цахимаар хүлээж авсны гол давуу тал нь орон нутагт байгаа компаниудад илүү хялбар нөхцөлийг бүрдүүлжээ. Үүнээс гадна Ашигт Малтмал, Газрын Тосны газар сонгон шалгаруулалт болон өргөдлийн журмаар тусгай зөвшөөрөл олгохоор болоод байна. Сонгон шалгаруулалтын журмаар 2015 онд найм, 2016 онд 30 тусгай зөвшөөрөл олгож байсан бол 2017 он гарснаас хойш зургаадугаар сарын байдлаар есөн тусгай зөвшөөрөл шинээр олгожээ. Улсын төсөвт 2015 онд 2.5 тэрбум төгрөг, 2016 онд 7.9 тэрбум төгрөг төвлөрүүлж байсан бол энэ I улиралд 5.1 тэрбум төгрөг төвлөрүүлсэн байна. Одоогоор сонгон шалгаруулалтын журмаар тусгай зөвшөөрөл олгох үйл явц хэвийн үргэлжилж байгаа аж.