ОХУ-ын Батлан хамгаалах яам байлдааны бэлэн байдлын шуурхай хяналт шалгалтын хүрээнд нисэх хүчнээ энэ сарын 26- нд улсынхаа өмнөд цэргийн тойрогт шилжүүлжээ. Тус улсын төв нутгийн цэргийн тойргийн хэвлэлийн албаны мэдээлснээр, “Микоян-31” байлдааны нисэх онгоц, “Су-24” бөмбөгдөгч нисэх онгоцыг өмнөд тойргийн армид шилжүүлэн өгчээ. Түүнчлэн Оренбург мужид байрлах явган цэргийн мото механикжуулсан анги, их бууны цэргийн ангийг өмнөд нутгийн цэргийн тойрогт шилжүүлсэн байна. Ингэснээр Оросын өмнөд нутгийн цэргийн хүчнийг идэвхжүүлсэн аж. ОХУ-ын баруун цэргийн тойргийн хэвлэлийн албаны мэдээлснээр, “Микоян-29 SMT” байлдааны нисэх онгоц, “Су-34” байлдааны нисэх онгоц, “Микоян-31” байлдааны нисэх онгоцыг мөн өдөр өмнөд тойрогт шилжүүлсэн аж. Эдгээр нисэх хүчний техникээс “Су-34” байлдааны нисэх онгоцыг Крымд байршуулсан байна.