УИХ-ын дарга З.Энхболдын урилгаар ОХУ-ын Холбооны Хурлын Холбооны Зөвлөлийн дарга хатагтай Валентина Ивановна Матвиенко тэргүүьэй төлөөлөгчид энэ сарын 22-23-ны өдрүүдэд Монгол Улсад албан ёсоор айлчилхаар болжээ.
ОХУ-ын Холбооны Хурлын Холбооны Зөвлөлийн дарга айлчлалынхаа хүрээнд УИХ-ын дарга З.Энхболдтой хэлэлцээ хийж, Санамж бичигт гарын үсэг зурахын зэрэгцээ Монгол Улсын Ерөнхийлөгч Ц.Элбэгдоржид бараалхах аж. Мөн Монгол Улсын Ерөнхий сайд Н.Алтанхуяг, УИХ-ын дэд дарга, МАН-ын дарга М.Энхболд нар хатагтай В.И.Матвиенкод бараалхах юм.
Түүнчлэн УИХ-ын гишүүн, УИХ дахь Монгол-Оросын парламентын бүлгийн дэд дарга Г.Батхүү айлчлалын бүрэлдэхүүнд багтсан ОХУ-ын Холбооны Хурлын Холбооны Зөвлөл дэх Монгол Улсын Их Хуралтай харилцах бүлгийн гишүүдийг хүлээн авч уулзах юм байна.