Ойрын өдрүүдэд болох үндэсний бөхийн барилдаануудыг танилцуулахад, “Мөнхийн үсэг” группын спорт зааланд маргааш буюу 10-р сарын 26-нд Улсын харцага Ч.Даваадорж агсны нэрэмжит “Их Монголын хүчтэн” дэвжээний ээлжит барилдаан болно.
Харин 10 дугаар сарын 28-нд Дундговь аймгийн харьяат улс, аймгийн цолтой бөхчүүдийн барилдаан болох бол энэ өдөр “Аса” циркт аймаг, цэрэг, сумын цолтой бөхчүүдийн зөвлөлийн нээлтэнд зориулсан 256 бөхийн барилдааныг зохион явуулах юм. Харин 11 дүгээр сарын 8-нд Монгол бахархалын өдөрт зориулсан чансаа өндөр шилдэг 128 бөхийн барилдааныг “Буянт ухаа” спортын ордонд зохион байгуулахаар товложээ.