-Эрэгтэйчүүдийн -81 кг-д О.Ууганбаатар эхний тойрогт Ливан улсын бөхөд ялагдаж, тэмцээнээ дуусгалаа.-
Жүдо бөхийн дэлхийн аварга шалгаруулах тэмцээн ОХУ-ын Челябинск хотын “Трактор Ice Arena”-д дөрөв дэх өдрөө үргэлжилж байна. Дэлхийн 120 орны 751 жүдоч эрэгтэй, эмэгтэй тус бүр долоон жин болон багийн тэмцээнд хүч үзэх юм. Өнөөдрийн байдлаар эрэгтэйчүүдийн -60 кг, -66 кг, -73 кг, эмэгтэйчүүдийн -48 кг, -52 кг, -57 кг жингийн аваргууд тодроод байна.
Өнөөдөр эрэгтэйчүүдийн -81 кг, эмэгтэйчүүдийн -63 кг жингийн барилдаан болж, медальтнууд тодорно. Манай улсаас эрэгтэйчүүдийн -81 кг-д О.Ууганбаатар, эмэгтэйчүүдийн -63 кг-д Б.Мөнгөнчимэг, Ц.Цэрэннадмид нар дэвжээнд гараад байгаагаас О.Ууганбаатар ялагдал хүлээснээр тэмцээнээ өндөрлүүллээ.
Эрэгтэйчүүдийн -81 кг-д 64 бөх барилдаж байгаагаас О.Ууганбаатар эхний тойрогт Ливан улсын бөх Элиасад нэг торгуулиар ялагдан тэмцээнээ дуусгалаа.
