УИХ-аас НӨАТ-ын тухай хуулийг шинэчлэн баталснаар иргэд, аж ахуйн нэгжүүд худалдан авалт, үйлчилгээ бүртээ бар кодтой НӨАТ-ын баримтыг авдаг болсон.
Уг баримтыг бүртгүүлсэн нөхцөлд хоёр төрлийн үйлчилгээ авах боломжтой. Тодруулбал, сар бүр Гааль, татварын газраас шалгаруулж байгаа азтан шалгаруулах сугалаанд оролцох боломжтой. Хоёр дахь боломж нь НӨАТ-ын бар кодтой баримтаа үрэгдүүлж болохгүй. Учир нь он дуусахаас өмнө уг баримтаа бүртгүүлсэн нөхцөлд хоёр хувийн буцаан олголтыг авах боломжтой. Тиймээс НӨАТ-ын баримтаа бүртгүүлж амжилгүй, азтан болох сугалаанд оролцож чадаагүй иргэдийн хувьд 2016 ондоо багтаан баримтаа бүртгүүлчихэд буцаан олголтын хоёр хувийг авах боломжтой байгааг өнөөдөр холбогдох албаныхан сэтгүүлчдэд мэдээлэл хийх үеэрээ онцолж байна.