Оюутолгой, Гацуурт, Цагаан суварга зэрэг том ордыг стратегийн эргэлтэд оруулахыг өмнөх засгийн үед шийдсэн. Гацууртын ордын хувьд нийт хөрөнгө оруулалтын хэмжээ 215.9 сая ам.доллар бол борлуулалтын орлого нь 1.8 тэрбум ам.доллар, татвар хураамж төлбөр хэлбэрээр Засгийн газарт 438.8, сая ам.доллар төлөгдөх боломжтой юм байна.
Цэвэр ашгийн хувьд 90.6 сая ам.доллар гэсэн тооцоо бий. Засгийн газарт ногдох мөнгөн урсгалын нийт хэмжээ 432.3 сая эм.доллар буюу нийт мөнгөн урсгалын 68.2 хувь нь манайд ногдоно гэсэн эдийн засгийн үндэслэлтэй тооцоо гарсан” хэмээн сэтгүүлчдэд мэдээлж байлаа.
“Ноён уулаа аврах хөдөлгөөн”-ийхөн Ашигт малтмалын газрын шийдвэрээр “Сентерра Гоулд Монголия” ХХК-д Сэлэнгэ аймгийн Мандал сумын нутаг Гацууртад олгосон 431 A, 372А дугаар ашиглалтын тусгай зөвшөөрлүүдийг хүчингүй болгуулахаар Нийслэл дэх Захиргааны хэргийн анхан шатны шүүхэд гомдол гаргасан. Үүнээс болж “Сентерра гоулд Монголия” ХХК тус ордыг ашиглах боломжгүй өнөөдрийг хүрээд байгаа билээ. Нэхэмжлэгч тал ч шат шатны шүүхэд хандсаар өнөөдөр дээд шатны шүүхийн шийдвэр гарч “Сентерра Гоулд” ХХК-ийн талд асуудлыг нааштайгаар шийдсэн байна.