Байгаль орчин, аялал жуулчлалын яам нь НҮБ-ын Ногоон эдийн засгийн төлөөх түншлэл (PAGE)-тэй хамтран “Ногоон эдийн засаг бидний амьдралд” гэрэл зургийн уралдааныг зарласан билээ.
Уралдаанд байгальд ээлтэй, ногоон ажил хөдөлмөр эрхлэлт, ногоон дэд бүтэц, ногоон амьдралын хэв маяг, хэрэглээ, байгаль орчин, экосистемийг хамгаалах үйлс, ногоон эдийн засгийн мэдлэг, ойлголтыг олон нийтэд түгээж буй үйл ажиллагаа зэргийг харуулсан 29 сонирхолтой гэрэл зургийг ирүүлсэн юм. Эдгээрээс 5 бүтээл шалгаруулж, БОАЖ-ын дэд сайд Ц.Батбаяр өргөмжлөл, мөнгөн шагналыг гардуулан өглөө.
Бүтээл ирүүлснээс II байранд Г.Өнөболдын “Хотоос дутуугүй амьдрал”, Г.Эрдэнэцолмон “Аригийн голын анхдагч зөгийчид” шалгарсан бол III-р байранд “Хог хаягдлаа хотдоо ээлтэй, хүндээ өгөөжтэй бүтээгдэхүүн болгоё”, О.Соронзонболд “Ногоон аялал жуулчлал” болон А.Будалцолмонгийн “Саран дээр усгүй” сэдэвт зургууд тус тус шалгарчээ.
Уралдаанд ирсэн гэрэл зургуудыг Швейцар улсын Женев хот дахь НҮБ-ын Ногоон эдийн засгийн төлөөх түншлэлийн нарийн бичгийн дарга нарын газрын ажилтан, Монгол Улсын Байгаль орчин, аялал жуулчлалын яамны ажилтан , НҮБ-ын Ногоон эдийн засгийн төлөөх түншлэлийн үндэсний зохицуулагч нар хамтран дүгнэсэн юм.
