НИТХ-ын ээлжит 11 дүгээр хуралдаан өнөөдөр 10.00 цагаас Хангарьд ордонд хуралдахаар тов зарлаад байна.
Өнөөдрийн хуралдаанаар НИТХ-ын дарга Ц.Сандуйг үүрэгт ажлаас нь чөлөөлж, шинэ даргаа тодруулах юм. Учир нь Ц.Сандуй НИТХ-ын даргын болон Нийслэлийн МАН-ын хорооны даргын албан тушаалаасаа өөрийн хүсэлтээр чөлөөлөгдөх өргөдөл өгсөн. Үүнтэй холбогдуулж нийслэлийн МАН-ын хорооны тэргүүлэгчид хуралдаж, Нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан, Нийслэлийн Жижиг дунд үйлдвэрлэлийг дэмжих төвийн дарга Д.Баярсайхан, Зорчигч тээвэр нэгтгэл ОНӨҮГ-ын захирал Г.Төмөрбаатар нарыг НИТХ-ын даргад нэр дэвшүүлэхээр болсон.
МАН-ын Удирдах зөвлөлийн хурлаар дээрх гурван нэр дэвшигчийг хэлэлцсэн ч гурвууланг нь дэмжин, НИТХ-ын хуралдаанаар санал хураалгаж шийдвэрлэх нь зүйтэй гэж үзээд буй юм.