Цаг уур, орчны шинжилгээний газраас бэлчээрийн ургамлын ургалтын нөхцөл байдалд дүгнэлт гаргажээ. Тавдугаар сарын 31-ний байдлаар бэлчээрийн ургамал Дундговь, Дорноговь, Өмнөговийн, ихэнх, Ховд, Говь-Алтай, Баян-Өлгийн зарим сумдын нутгаар муу ургасан байна.
Харин Булган, Дорнод, Орхон, Дархан-Уулын нийт, Хөвсгөл, Сэлэнгэ, Төв, Хэнтийн ихэнх нутаг, Увс, Завхан, Говь-Алтай, Баянхонгор, Өвөрхангай, Сүхбаатарын зарим, Баян-Өлгий, Ховд, Архангай, Өмнөговийн цөөн сумдын нутагт буюу нийт нутгийн 50 орчим хувьд хэвийн ургажээ. Харин бусад нутгаар бэлчээрийн ургамал дунд ургасан байна.