“Нэг хаалга-Нэг шинжилгээ”-ний талаар мэдээллийг хүргэж байна.
Өчигдөр 44018 хүнд PCR шинжилгээг хийхэд 52 хүнээс коронавирус илэрлээ. Үүнээс 24 нь “Нэг хаалга- Нэг шинжилгээ”-нээс бүртгэгдлээ. 24 хүний 15 нь анхны шинжилгээгээр, ес нь хавьтлын шинжилгээгээр илэрлээ.
“Нэг хаалга-Нэг шинжилгээ” өнөөдөр 10 дахь өдрөө үргэлжилж байна. Өчигдөр Сүхбаатар дүүргийн 22436 өрхөөс шинжилгээ авч дууслаа. Өнөөдөр Баянзүрх дүүргийн 45800 өрхийн шинжилгээг авч, 2-р сарын 23-ны 06.00 цагт энэ ажил өндөрлөнө.
“Нэг хаалга- Нэг шинжилгээ”-нээс энэ сарын 21-ний өдрийн байдлаар халдвар авсан 78 хүнийг илрүүлээд байна.