Америкийн үндэсний сагсанбөмбөгийн лигийн улирлын тоглолтууд маргааш эхлэнэ. Тэгвэл нээлтийн тоглолт Америкийн цагаар 10 сарын 17-ны 20 цагт Бостон Сэлтиксийн талбай дээр Клэвланд Кавальерс зочлон тоглосноор эхлэнэ. Тус тоглолтын дараа өрнөд бүсийн шилдэг багууд болох Голдэн стэйт Варриорс болон Хьюстон Рокетс багууд Оракл аренад тоглох юм.
-Бостон Сэлтикс баг улирлын өмнөх тоглолтонд 4-0 үзүүлэлттэй тоглосон. Харин өрсөлдөгч Клэвландын морьтон цэргүүд 2-2 үзүүлэлттэй улирлын өмнөх тоглолтуудыг дуусгасан билээ.-
Клэвлэнд Кавальерс багийн гарааны төвийн тоглогч Тристан Томпсон сэлгээнд шилжиж хүчний довтлогч Кэвин Лов төвийн байрлалд гарах болсон билээ. Тэгвэл морьтон цэргүүдийн гараанд Дэррик Рөүз, Двэйн Вэйд, Лэброн Жэймс, Жэй Кроудер, Кэвин Лов нар тоглоно.
–Бостон Сэлтикс баг гол тоглогч Азьяа Томас болон жижиг довтогч Жэй Кроудэр нарыг Клэвданд-руу явуулж оронд нь лигийн шилдэг бөмбөг эзэмшигч, холбогч Кайри Ирвингийг авсан.–
Бостон Сэлтиксийн гараанд Кайри Ирвинг, Маркус Смарт, Гордон Хайвард, Жэйсон Татум, Ал Хорфорд нар гарах юм. Бостоны гарааны довтлогч Маркус Моррис 7 хоног бэртэлтэй байх тул оронд нь шинэ тоглогч Жэйсон Татум гараанд гарч байгаа ажээ.
-Голдэн стэйт Варриорс баг зуны солилцоо наймааны үеэр аварга авсан бүрэлдхүүнээ хадгалж титлийн төлөө ахин дайралт хийхээр төлөвлөсөн. Мөн шилдэг гурвын зайн мэргэн буучид болох Омрэ Каспи болон Ник Янг нарыг багтаа элсүүлсэн.-
Голдэн стэйт Варриорсын гараанд Стефан Көрри, Клэй Томпсон, Кевин Дурант, Драэмонд Грийн, Заза Пачульяа нар гарна. Дайчид өнгөрсөн жилийн аварга авсан бүрэлдхүүнээ хадгалан үлджээ. Энэ нь тэдний хувьд зуны гэрээ, контракт хэр сайн болсныг илтгэж байна.
–Хьюстон Рокетс шилдэг холбогч Крис Полыг эгнээндээ нэгтгэв.–
Хьюстон Рокетсын гараанд Крис Пол, Жэймс Хардэн, Трэвор Ариза, Ряан Андэрсон, Клинт Капэло нар гарна. Тэд гарааны холбогч Патрик Бэвэрли, жижиг довтлогч Сэм дэккэр, шилдэг зургаа дахь тоглогч Лью Виллиамс тэргүүтэй шилдэг залуу тоглогчдоо Лос анжелос Клиппэрсд өгч холбон тоглогч Крис Полыг багтаа элсүүлсэн билээ.
Б.АМАРТҮВШИН