Японы мэргэжлийн сумогийн тавдугаар сарын тэмцээн буюу Нацү башёгийн хоёр дахь өдрийн барилдаанд 69 дэх Их аварга Хакүхо М.Даваажаргал Митакеүмиг яллаа. Тэрээр Митакеүмитай долоо таарч барилдахдаа хоёр удаа өвдөг шороодож байсан юм.
Энэ өдөр 71 дэх екозуна Какүрюү М.Ананд Тамаваши Б.Мөнх-Оргилыг зөрүүлж татаад хоёр дахь даваагаа авлаа. М.Ананд хоёр даваатайгаар тэмцээнийг үргэлжлүүлж байгаа бол Тамаваши Мөнх-Оргил хоёр дахь унаагаа авчээ. Харин озэки Гоэйдо Шохозанаархоёр дахь даваагаа авсан юм.
Хоёр дахь өдөр сэкивакэ Точиношин Абиг, Ичиножёо А.Ичинноров Кайсейг тус тус давж даваагаа ахиулжээ. Маэгашира цолтой бөхчүүдээс өнөөдөр манай хоёр бөх эхний даваагаа авлаа. Чиёошома Г.Мөнхсайхан өрсөлдөгч Рюудэнг тонгорч давсан бол Араваши Э.Дөлгөөн жин багатай өрсөлдөгч Ишиураг ёрикири мэхээр ялсан байна.
О.ДАШНЯМ