Сар шинийн баярыг тохиолдуулан “Нарантуул” худалдааны төв хоёрдугаар сарын 9-18-ныг дуустал амрах юм байна.
Өнгөрсөн жил хоёрдугаар сарын 19-26-ыг дуустал амарсан бол энэ жил ийн ес хоног амрахаар болжээ. Харин битүүний өдөр 10.00-19.00 цаг хүртэл ажиллах ба хоёрдугаар сарын 19-нөөс ердийн цагийн хуваарийн дагуу ажиллах ажээ.
Баярын дараа өдрүүдэд бусад томоохон худалдааны төвүүд ямар хуваариар амрахыг мөн хүргэж байна.
“Хар хорин” болон “Барс” 1, 2 худалдааны төв энэ сарын 1-8-ныг дуустал 09.00-19.00 цаг хүртэл бүтэн ажиллаж, энэ сарын 9-12-ныг дуустал амрах бөгөөд 13-наас ердийн цагийн хуваарийн дагуу ажиллаж эхэлнэ. Мөн “Хүчит шонхор” худалдааны төв битүүний өдөр 06.00-18.00 цагийн хооронд ажиллаж, энэ сарын 9-16-ныг дуустал амарна. Харин үйлчилгээний газрууд буюу ресторан, баар, үсчин баярын гурван өдөр амрах бол хүнсний дэлгүүрүүд энэ сарын 9, 10, 11-нд амарч, энэ сарын 12-ноос эхлэн ердийн цагийн хуваарийн дагуу ажиллах юм байна.