Солонгосын
Инчеон хотноо болж буй азийн XVII наадмын жүдо бөхийн эрэгтэйчүүдийн -100 кг-ын жинд барилдсан Олимпийн
алт, мөнгөн медальт, Монгол Улсын Хөдөлмөрийн баатар Н.Түвшинбаяр алтан медаль хүртлээ. Тэрээр Тажикстан, БНСУ, Узбекстаны
бөхчүүдийг ялж, мөнгөн медалийн болзол ханган аваргын төлөө Казахстаны Раковыг ялж алтан медаль хүртлээ. Түүний хүртсэн алтан медаль
монголын жүдочдын энэ наадмаас хүртэж буй гурав дахь алтан
медаль боллоо.
Харин +100
кг-ын жинд Ө.Дүүрэнбаяр алтан медалийн төлөө Японы бөх Ожитани Такэшитэй
барилдаж ялагдан мөнгөн медаль хүртлээ.
Ө.Дүүрэнбаяр эхний
тойрогтоо гоц мөргөсөн бөгөөд удаах тойрогтоо Казахстаны бөхийг юүко
үнэлгээгээр ялсан. Ингээд БНСУ-ын
тамирчин Ким Сун Минтэй барилдан буулган авч алтан
медалийн төлөө барилдах эрхээ авсан юм.