2017 оноос эхлэн Дубайд зохион байгуулагдаж байгаа олон улсын “Tiffany`s Fahsion week” загварын шоу энэ сарын 11-нд тус хотод болно. Дэлхийн алдартай загвар зохион бүтээгчид, топ моделиудаас эхлэн шинэ залуу үеийнхэнд ч үүд хаалга нь нээлттэй байдаг тус шоунд өнөө жил Франц, Итали, Монака, Монгол, Украйн, Их Британи, АНУ зэрэг орны моделиуд, загвар зохион бүтээгчид оролцох юм байна.
Монголоос “Queen модел” агентлагийн үүсгэн байгуулагч, загвар өмсөгч Х.Энхмаа болон “Гоёл-2022” наадмын Шилдэг залуу загвар зохион бүтээгч өргөмжлөлт, “Урлахуй” брэндийн дизайнер, Ө.Мөнхцэцэг, Арабын топ модел О.Уянга, топ модел Б.Баярцацрал болон Т.Халиунаа, Азийн хатан хаан Г.Оюунгэрэл, залуу модел Ж.Лхагвасүрэн нар оролцох нь
. Өдгөө манай загварынхан Катар, Кувейтэд болж буй Монголын соёлын өдрүүдэд оролцон, үндэсний брэндүүдийнхээ нүүр царай болж, эх орноо сурталчилж явна. Энэхүү арга хэмжээг өндөрлөөд Дубайн шоунд оролцохоор төлөвлөжээ.
Дубайн “Tiffany`s Fahsion week” нь загварын ертөнцийн хувьд нэр хүнд бүхий томхон арга хэмжээ юм. Тухайлбал, шоунд оролцогчдод Парис, Канн, Монако, Нью Йорк хотод болсон Tiffany-гийн загварын долоо хоногоор хамгийн эрэлттэй, мэргэжлийнхэн болон хэрэглэгчдээс өндөр үнэлгээ авсан загваруудыг цаашид хөгжүүлэх боломж өгдөг. Үүнээс гадна загвар зохион бүтээгчид өөрсдийн цуглуулгаа Эмират болон Персийн булангийн орнуудад танилцуулах үүд хаалга нээгддэг. Моделиуд ч нэр хүнд бүхий брэндүүдтэй хамтран ажиллах боломж бүрддэг. Учир нь алдартай брэндүүд тус арга хэмжээг анхааралтай ажиглаж, өөрсдийн нүүр царай болох шинэ моделиуд, зохион бүтээгчдийг олж авахаар шинжиж байдаг.
Дубайн “Tiffany`s Fahsion week” арга хэмжээнд алдартай дуучид оролцохоос гадна Elle, Vogue сэтгүүлд тусгай сурвалжлага нийтлэгддэг.
