“Монгол шуудан” ХК-ийн нийт хувьцааны 34 хувь буюу 6.3 тэрбум төгрөгийн хувьцааг олон нийтэд нээлттэй санал болгож буй анхдагч зах зээлийн арилжааг Ерөнхий сайд Ч.Сайханбилэг нээж, өнөөдөр цан цохилоо. Хөрөнгийн биржээр дамжуулан төрийн өмчит зарим компанийг хувьчлах ажлыг Монгол шуудан компаниар эхлүүлж буй нь энэ юм.
Сүүлийн таван жилийн хугацаанд тасралтгүй цэвэр ашигтай ажилласан тус компанийн нэгж хувьцааны доод үнийг 185 төгрөгөөр тогтоосон бөгөөд 33.8 сая ширхэг хувьцааг энэ удаа арилжих юм. Ингэснээр нийт 6.2 тэрбум төгрөгийг хувьцааны захаас татан төвлөрүүлэх юм.