“Монгол ралли” автомашины аялал өнөөдөр Лондонгоос эхлэж байна. Дэлхийн хамгийн адал явдалтай аялалуудын нэгд тооцогддог “Монгол ралли” автомашины аялал одоогоос арван жилийн өмнө эхэлсэн түүхтэй. Тухайн үед олон улсын буяны байгууллагуудад хандив цуглуулах зорилгоор аялал эхэлж зургаан баг Монголд ирж байв. Үүнээс хойш Евразийг хөндлөн гулд туулан манай улсын нийслэлд барианд ордог энэ аялал хүрээгээ маш хурдан тэлж, Лондоны алдарт Хайд паркаас гараагаа эхэлсэн 2007 оны аялалд оролцохыг хүсэгчдийн тоо хэт их байсан тул 200 багийг сугалаагаар тодруулахад хүрсэн гэдэг. Энэ аяллын гол онцлог нь 1.2 литрийн багтаамжтай цилиндртэй бага оврын машиныг л оролцуулдагт оршдог аж.
Олон арван орны нутаг дэвсгэрээр өнгөрдөг энэ аяллын үеэр эмгэнэлтэй осол гарсан нь ч цөөнгүй. Жишээлбэл, 2010 оны “Монгол ралли”-д оролцсон Английн хоёр иргэн Иран, Туркменистаны хил дээр осолдон амь насаа алдаж байжээ. Тус аялал 21 орны газар нутгаар болсон тохиолдол ч бий. Харин арав дахь “Монгол ралли” уралдааны оролцогчид 17 орноор дайран наймдугаар сарын 31 гэхэд Улаанбаатарт хүрэлцэн ирсэн байх ёстой аж. Энэ удаагийн аялалд Мальта улсын баг анх удаа оролцох бөгөөд орон орны нийт 300 шахам бага оврын машин Монголыг зорих юм байна.
2 replies on ““Монгол ралли”-ийн аялагчид Монголд ирэх сард ирнэ”
Yes! Finally something about 구포출장마사지.
It’s appropriate time to make some plans for the future and it’s time
to be happy. I’ve read this post and if I could I
desire to suggest you few interesting things or
suggestions. Perhaps you could write next articles referring to this article.
I wish to read even more things about it!