МИАТ ТӨХК Япон улсын Токио хотноо зохион байгуулагдаж буй TOURISM EXPO JAPAN 2024 олон улсын үзэсгэлэнд оролцож байна. Уг үзэсгэлэн нь дэлхийн хэмжээнд зохион байгуулагддаг томоохон үзэсгэлэн яармагуудын нэг ба 2014 оноос хойш жил бүр зохион байгуулагдсаар иржээ. Ийнхүү 2024 онд дэлхийн 150 гаруй орны аялал жуулчлалын салбарын төлөөллүүд нэгэн дээвэр дор чуулж байна.
Үндэсний агаарын тээвэрлэгч МИАТ ТӨХК уг үзэсгэлэнд Япон болон бусад улс орнуудаас Монгол улс руу чиглэсэн урсгалыг нэмэгдүүлэх, орон нутгийн болон олон улсын нислэгийн үнэ тариф, нислэгийн давтамж зэрэг аялагчдад нэн тэргүүний шаардлагатай мэдээллийг сурталчлах гэх зэрэг үндсэн зорилгуудын хүрээнд оролцож манай улсын аялал жуулчлалын салбарын хөгжилд өөрсдийн хувь нэмрээ оруулж байна.