МИАТ ТӨХК-ийн 2023 оны 11-р сарын 2-ны өдрийн Истанбул-Улаанбаатар чиглэлийн ОМ162 нислэгийн хуваарьт цагийг тодорхойгүй хугацаагаар хойшлуулжээ.
МИАТ ТӨХК-ийн онгоц өчигдөр зорчигчдоо хүлээн авахаар Туркийн олон улсын нисэх буудалд байх үед нь хаалга хэсэгт нь аянга буусан байна.
Энэ талаар МИАТ ТӨХК “МИАТ ТӨХК-ийн 2023 оны 11-р сарын 2-ны өдрийн Истанбул-Улаанбаатар чиглэлийн ОМ162 нислэгийн зорчигчдын аюулгүй байдлыг хангах зорилгоор агаарын хөлөгт техникийн үзлэг хийх зайлшгүй шаардлага гарсан тул нислэгийн хуваарьт цагийг тодорхойгүй хугацаагаар хойшлуулж байна.
Зорчигчдод хүндрэл учруулж байгаадаа хүлцэл өчье.
Нислэгийн аюулгүй ажиллагаа болон зорчигчдын аюулгүй байдлыг хангах зорилгоор шаардлагатай бүх арга хэмжээг авч ажиллаж байна.
Та бүхнийг ойлгон хүндэтгэлтэй хандана гэдэгт итгэж байна.
Нислэгийн мэдээллийн талаар эргэн мэдэгдэх болно” гэв .