Европын чиглэлийн нислэгийн цагийн хуваарь, нислэгийн зам маршрутыг өөрчлөөгүй, нислэг хэвийн үргэлжилж байгааг МИАТ компани мэдээлжээ.
Улаанбаатар-Москва-Франкфурт-Москва-Улаанбаатар чиглэлийн зорчигч тээврийн нислэг нь Украин улсын агаарын хил орчмын бүсээс алслагдсан зайд үйлдэгддэг байна.
МИАТ ТӨХК нь ОХУ, Украин улсын хооронд үүсээд буй нөхцөл байдлыг анхааралтай ажиглан, Европын чиглэлийн нислэгийн аюулгүй ажиллагаанд онцгой анхаарч байгаагаа ч тэмдэглэжээ.
Түүнчлэн, Европын холбооны улсуудын Нисэхийн аюулгүй байдлын агентлаг (EASA), Олон улсын Агаарын тээвэрлэгчдийн холбоо (IATA)-ноос гаргасан зөвлөмжийг нислэгийн үйл ажиллагаандаа тусгахын зэрэгцээ, Москва хот дахь Төлөөлөгчийн газраас тогтмол мэдээлэл авч байгаа аж.