Сүхбаатарын талбайд өчигдөр хэд хэдэн төрийн бус байгууллагын төлөөлөл бензин, мах гэх мэт өргөн хэрэглээний бараа бүтээгдэхүүний үнийн өсөлтийг эсэргүүцсэн машинтай жагссан билээ.
Тэгвэл тэд жагсаал хийх зөвшөөрөл аваагүй байжээ. Тиймээс цагдаагийн байгууллагаас өчигдөр зургаан хүнийг саатуулсан бол өнөөдөр Баянзүрх дүүргийн анхан шатны шүүхээр эл асуудлыг хэлэлцэж, дээрхжагсагчдыг зургаан хоног хорих шийдвэр гаргажээ. Жагсагчдын хувьд энэ сарын 30-ны өдөр болох “Хариуцлага нэхэх” Сөрөг хүчний жагсаалд оролцохоо зарлаад байсан юм. Цагдаа нар баривчилгаа явуулах үеэр жагсагчидтай мөргөлдөж, 2-3 хүн гэмтэж, бэртэж Яаралтай түргэн тусламжийн үйлчилгээ авсан байна.