Арваннэгдүгээр сард Дэлхийн тархины харвалттай тэмцэх өдөр тохиодог. Энэ өдрийг тохиолдуулан “Сонгдо” эмнэлгийн мэдрэлийн эмч нар ард иргэддээ үнэ төлбөргүй үйлчилгээ үзүүлэх аян эхлүүлжээ. Аяны хүрээнд долоо хоногийн баасан гариг бүр 8.30-17.30 хүртэл мэдрэлийн нарийн мэргэжлийн эмч нар иргэдэд үзлэг хийн, зөвлөгөө өгч байгаа аж. Мөн бүх төрлийн мэдрэлийн зовиур шаналгаатай иргэдэд ч зөвлөгөө өгч буй юм байна. Иргэн та “Сонгдо” эмнэлэгт хандаж, нэрээ бүртгүүлээд үзүүлэх боломжтой бөгөөд тус аян арванхоёрдугаар сарыг дуустал үргэлжлэх ажээ.