Нөр их хүч хөдөлмөр, зүрх сэтгэлээ шингээн байж хийдэг урлагийн
бүтээл бол яах аргагүй кино юм. Үзэгч биднийг инээлгэж, уурлуулж,
уйлуулж, сэтгэлийн их таашаал өгдөг кино хэмээх энэ нүсэр ажлыг
найруулагч, продюсер, жүжигчин, зураач, зураглаач, дууны найруулагч,
нүүр хувиргагч гээд олон хүн нэгдэж хийдэг билээ.
Дуугүй, жүжигчингүй, дүрсгүй, найруулгагүй кино гэж байдаггүйтэй адил нэг ч хүний хөдөлмөрийг үнэлэхгүй байж болохгүй юм.
Тэгвэл жил бүр Монголын кино урлагийн академиас эдгээр чадварлаг уран бүтээлчдийн дундаас 18 номинацид шилдгийг тодруулах “Academy awards-2015” наадам маргааш болох гэж байна.
Наадам шинээр нээгдсэн Шангри-Ла зочид буудалд зургаадугаар сарын 7-ны өдөр 17.30 цагт эхэлнэ.