Өнөөдөр Хөдөлмөр Нийгмийн Хамгааллын яаманд харааны бэрхшээлтэй иргэдийг ажлын байраар хангах анхны кофе шопын нээлт боллоо.
Солонгосын Шилоам харааны бэрхшээлтэй иргэдийн халамжийн нийгэмлэг нь KOICA олон улсын хамтын ажиллагааны байгууллагатай хамтран Монголын хараагүйчүүдийн үндэсний холбоотой хамтран харааны бэрхшээлтэй бариста нар мэргэжлээрээ ажиллах боломжоор хангахаарэнэхүү кофе шопыг нээжээ.
Манай улсад анх удаа харааны бэрхшээлтэй иргэд кофе шопд ажиллаж байгаа нь энэ юм.
Харин бусад улс оронд харааны бэрхшээлтэй хүмүүс бариста хийж ажиллах орчин нөхцөл бүрдсэн байдаг аж. Тухайлбал Солонгос улсадхарааны бэрхшээлтэй бариста бэлтгэжкофе шопд ажиллах боломж бүрдүүлж дэмждэг.Харин манайд анх удаа нээгдэж байгаа нь харааны бэрхшээлтэй иргэдийнхувьдтогтвортой ажилтай, санхүүгийн хувьд хараат бус байх эхлэлийг тавьж байна.
Монголд 2017 оны дөрөвдүгээр сараас эхлэн харааны бэрхшээлтэй бариста бэлтгэж, одоогийн байдлаар нийт 16 бариста бэлтгэн төгсгөжээ.
2015 онд Солонгос улсад харааны бэрхшээлтэй бариста байдаг талаар мэдээлэл аваад, үүнийг Хараагүйчүүдийн холбооныхон судалж эхэлжээ. Бариста бэлтгэж буй байгууллагуудтай холбогдсон байна.
Бариста бэлтгэх сургалт нь хоёр жилийн хугацаанд үргэлжлэх аж.
Солонгос улсад харааны бэрхшээлтэй бариста ажилладаг зургаан кофе шоп байдаг байна. Эндээс Франчайзын гэрээгээр Монголд анхны салбар нээгдэж байгаа нь энэ билээ.
Харааны бэрхшээлтэй бариста Б.Янжмаагаас энэ талаар тодрууллаа.
“Харааны бэрхшээлтэй бариста гэхээр хүмүүст шинэ содон сонсогдож байгаа байх. Бид мэргэжлийн бариста болохын тулддөрвөн сарын хугацаанд суралцсан. Ингэж суралцахдаа: сонсголоороо, дуу чимээгээрбаримжаа авах дадал хэвшсэн. Тиймээс энгийн бусад бариста нарын адил ажиллаж үйлчилгээ үзүүлж чаддаг болсон.
Хөгжлийн бэрхшээлтэй хүмүүс манай нөхцөлд ажил хийх боломж хязгаарлагдмал байдаг. Хэдийгээр кофены соёл монголд орж ирээд удаагүй байгаа хэдий чхарааны бэрхшээлтэй хүмүүсийн хувьд хөдөлмөр эрхлэх зах зээл нэгээр нэмэгдсэнд туйлын баяртай байна. Энэ нь цаашдаа олон харааны бэрхшээлтэй залуусын хувьд санхүүгийн хувьд хараат бус байх тэр боломж гэж харж байна.
Бид Кофе шопоо ажиллуулаад нэг сар болж байгаа. Өнөөдөр кофе шопын маань нээлт албан ёсоор боллоо.
–Танай кофе шопямар ямар үйлчилгээ үзүүлж байна вэ?
-Халуун хүйтэн бүх төрлийн кофе болон кекс, сэндвич, гамбургер гэх мэт кофе шопод байдаг бүхий л хүнсний бүтээгдэхүүнээр үйлчилж байгаа. Түүнээс гадна ойр тойрныхоо байгууллагуудад хүргэлтээр үйлчилгээ үзүүлж байна. Манай хүргэлтийн утас:85207686 гэсэн дугаар дээр байдаг. Мөн хүлээн авалт семинар, сургалт зэрэг үйл ажиллагаанд очиж үйлчилгээ үзүүлж байгаа.
–Энэ сургалтын тухай яаж мэдэж, хэзээнээс хамрагдсан бэ?
-Манай хараагүй иргэдийн холбооноос “Солонгос улсад харааны бэрхшээлтэй иргэд баристаагаар бэлтгэгдээд хөдөлмөрийн зах зээлд гарах боломжтой байдаг юм байна. Энэ ажлыг Монголд оруулж ирэх гэж байна. Үүнд сурах сонирхолтой залуусыг бэлтгэж ажиллах орчинг бүрдүүлнэ” гэсэн мэдээллийг өгсөн. Миний хувьд хоёр дахь ээлж буюу найм дугаар сараас эхлэн суралцаж арван хоёр дугаар сард төгссөн. Баристаагаар бэлтгэгдэж байхдаа энэ талаар ойлголт төсөөлөл байгаагүй.
-Одоогоор хэдэн ажилчин ажиллаж байгаа вэ?
-Энэ салбарт харааны бэрхшээлтэй дөрвөн бариста, нэг менежер ажиллаж байна. Цаашдаа намраас дахин нэг салбар нээгдэж магадгүй гэв.
Б.ОЮУНЖАРГАЛ