Ерөнхий сайд Ж.Эрдэнэбат Засгийн газрын бүтэц, бүрэлдэхүүний тухай хуулийн төслүүдийг УИХ-д өнөөдөр үдээс хойш өргөн мэдүүлсэн юм. Харин үдээс өмнө энэхүү бүтцийн тухай төслийг нь Ерөнхийлөгч Ц.Элбэгдорж дэмжихгүй гэдгээ мэдэгдсэн. Гэвч, Ерөнхий сайд өөрийнхөө бүрэн эрхийн хүрээнд тогтоолын төслүүдийг УИХ-ын даргад өргөн барьсан юм.
Энэ талаар бүлэг хуралдаж, Засгийн газрын бүтэц, бүрэлдэхүүний тухай хуулийн төслийг дэмжсэн байна. Бүлгийн хурал дууссан бөгөөд одоо УИХ-ын Төрийн байгуулалтын байнгын хороо хуралдана. Түүний дараа УИХ-ын чуулганы нэгдсэн хуралдааныг хийж, Засгийн газрын бүтэц, бүрэлдэхүүний тухай хуулийн төслийг хэлэлцэн батлах чиглэл барьж байна.
Ерөнхий сайд Ж.Эрдэнэбат Засгийн газрын бүтцийг өргөн мэдүүлэхдээ 13 яам, 16 сайдтай байхаар тусгасан. Монгол Улсын Ерөнхийлөгчийн зүгээс зарим яамыг татан буулгаж, өөр яаманд хавсарга болгосон нь эдийн засгийн хараат байдлаас ангид байх бодлоготой зөрчилдөж буйн зэрэгцээ үндсэн чиглэлийн яамдын тоог нэмсэн нь давхар дээлтэй сайд нэмэх боломжийг бий болгож байна гэж үзсэн.
Иймээс Засгийн газрын бүтэц, бүрэлдэхүүний тухай хуулийн төслийг дахин зөвшилцөх хариуг өгсөн ч МАН-ынхны хувьд төслөө батлахаар шийдэв бололтой.