Эрх баригч МАН 2016 оны сонгуулийн мөрийн хөтөлбөртөө 21 аймагт 100 үйлдвэр барихаар төлөвлөж “21:100” нэртэй хөтөлбөр хэрэгжүүлэхээр тусгасан. Үүнийхээ дагуу Засгийн газар хөтөлбөрөө батлан ажиллаж байгаа юм. Хүнс, хөдөө аж ахуй, хөнгөн үйлдвэрийн дэд сайд Ж.Саулье одоогийн байдлаар улсын хэмжээнд махны 42 үйлдвэр, сүүний 216 цех ажиллаж байгааг хэллээ. Засгийн газар “21:100” хөтөлбөрийнхөө дагуу эдгээр мах, сүүний үйлдвэр, цехүүдийг өргөжүүлэхэд анхаарч ажиллах юм байна.